Drejtoria e Hetimit ka nisur hetimin ndaj 100 individëve/subjekteve të para, për të ardhurat e përfituara nga platformat sociale, (Facebook; TikTok; YouTube; Instagram; Google; PayPal).
Përmes një njoftimi, Drejtoria e Hetimit bën të ditur se bëhet fjalë se dyshohet për rreth 33 milionë euro të padeklaruara.
Kujtojmë se Administrata Tatimore ka njoftuar më datë 29 mars, përmes rrjeteve sociale, që individët dhe subjektet të përmbushin detyrimet ligjore nëpërmjet vetëdeklarimit në DIVA 2024.
Po ashtu, kjo Drejtori i ka bërë thirrje taksapaguesve që nuk kanë reaguar ende, të kryejnë sa më shpejt këtë detyrim, për të shmangur penalitete dhe masa të tjera që mund të sjellë një hetim i thelluar.
Njoftimi:
Drejtoria e Hetimit ka nisur hetimin ndaj 100 individëve/subjekteve për të ardhurat e përfituara nga platformat sociale (Facebook; TikTok; YouTube; Instagram; Google; PayPal), ku nga verifikimet paraprake dyshohet për rreth 33 milionë euro të padeklaruara! Administrata Tatimore ka njoftuar më datë 29 mars, përmes rrjeteve sociale, që individët dhe subjektet të përmbushin detyrimet ligjore nëpërmjet vetëdeklarimit në DIVA 2024. Ftojmë tatimpaguesit që nuk kanë reaguar ende, të kryejnë sa më shpejt këtë detyrim, për të shmangur penalitete dhe masa të tjera që mund të sjellë një hetim i thelluar.
