Mediat vendase japin detaje të reja, duke theksuar se Edmond Mustafa konsiderohej si person i afërt me klanin Skaljar. Policia e ndaloi Dino Ibrahimoviçin pak orë pas ngjarjes i cili konsiderohet të jetë pjesëtar i të njëjtit grup kriminal. Siç raportojnë mediat malazeze vrasësi i është afura Edmond Mustafit nga mbrapa, derisa ai po i afrohej veturës në shoqërinë e motrës së tij dhe ka qëlluar me dhjetëra të shtëna. Policia malazeze konfirmoi dje se edhe i vrari edhe vrasësi i përkisnin të njëjtit klan dhe se Ibrahimoviç tentoi të arratisej me skuter, por u arrestua shpejt. Në momentin e arrestimit, i dyshuari ka qenë duke ecur me një skuter elektrik dhe ka pasur kaskë.
“Për një periudhë jashtëzakonisht të shkurtër kohore dhe në bazë të përshkrimit të kryerësit të veprës, i dyshuari është penguar të arratiset. Policia gjeti një çantë udhëtimi të zezë me një pushkë automatike. Dyshohet se Dino Ibrahimoviçi duke përdorur një pushkë automatike që u gjet në afërsi të vendndodhjes së tij, i ka marrë jetën Edmond Mustafafit duke gjuajtur disa predha nga arma”, thuhet në njoftimin e Drejtorisë së Policisë.
Pas vrasjes së një prej krerëve të klanit Skaljar, Alan Kožar, në Korfuz në vitin 2020, Mustafa filloi të publikonte pretendime në rrjetin social Tiktok se pas likuidimit qëndronin tradhtarë nga klani Skaljar. Mustafa dyshohet se ka publikuar korrespondencën sekrete të Sky-it, po ashtu është thënë se ka fluturuar dhe është ofruar në polici si dëshmitar-bashkëpunëtor, tregon burimi i Kurir-it dhe shton se Mustafa dyshohet se ka folur në Mal të Zi se do të vërtetojë të vërtetën, se nuk kanë qenë vetëm Kavçanët që kanë bërë krime. Një tjetër motiv për likuidimin nga anëtarët e klanit të cilit ai vetë i përkiste është se, pas vrasjes së bashkëpunëtorit të tyre Zijad Nurkoviq në Spanjë në vitin 2019, Mustafa hyri në lidhje dashurie me të venë e tij, blogeren malazeze Vasilisa.
Siç raportojnë mediat malazeze në korrespondencë përmes Sky janë shkëmbyer mesazhe mes kreut të klanit Kavaç, Radoje Zvicer dhe policëve që dyshohet se kanë punuar për të gjatë vitit 2020. Në mesazhe dyshohet se komentojnë se Mustafa është në rrezik nga të tijtë për shkak të blogeres malazeze. Në atë komunikim u zbulua gjithashtu se Kavçani kishte planifikuar rrëmbimin e Mustafës, duke thënë se do të pranonte të ishte dëshmitar, bashkëpunëtor dhe se do të zbulonte autorët për të paktën 20 vrasje.
“Doni të më vrisni mua, duan ‘Kavçanët’, njerëzit e mi duan të më vrasin tani që jam në lidhje me gruan e Zijadit”, thuhet në mesazhin e dërguar nga Mustafa përmes Sky drejt një polici të arrestuar.
Vasilisa Nurkoviç reklamonte në Instagram për bashkëshortin e saj të vrarë Zijadin, ndërsa së fundmi shpesh publikonte foto me të dashurin e ri, të cilit ia fshihte gjithmonë fytyrën. Së fundmi ajo u mburr para ndjekësve me tatuazhin e saj me numrin shtatë, të cilin e prezantoi si simbol të dashurisë së saj të re. Gjithashtu, influencuesja publikonte shpesh foto të dhuratave të shtrenjta që merrte, si dhe shfaqte edhe një unazë.
