Një shpërthim i fuqishëm është dëgjuar nga qytetarët mbrëmjen e kësaj të mërkure në zonën e “Don Boskos” në Tiranë.
Mësohet se shpërthimi është dëgjuar në një banesë të pabanuar, teksa banorët e zonës kanë njoftuar autoritetet. Nga shpërthimi nuk ka patur persona të lënduar, por vetëm dëme materiale me xhama të thyera.
Policia e Tiranës ka shkuar në vendin e ngjarjes për të verifikuar rastin, nëse kemi të bëjmë me shpërthim me lëndë plasëse apo lëndë piroteknike
Njoftimi:
Më datë 06.11.2024, rreth orës 19:50, në rrugën “Robert Naci”, në oborrin e një banese në ndërtim në pronësi të shtetasit A. B. është dëgjuar një shpërthim, i ngjashëm me lëndët plasëse ose lëndët piroteknike. Si pasojë janë thyer xhamat e katit të 3-të të një banese tjetër private./Korrieri
