Policia e Fierit ka arrestuar një person të tretë në lidhje me vrasjen e 56-vjeçarit Anesti Rama, ngjarje e ndodhur disa ditë më parë në fshatin Frashër. Në pranga ka rënë Çlirim Dogani, 55 vjeç, nga Arapaji i Roskovecit, i dyshuar si bashkëpunëtor në krimin e rëndë që tronditi opinionin publik.
Sipas hetimeve të deritanishme, Dogani dyshohet se ka bashkëpunuar me vajzën e viktimës, 26-vjeçaren Emanilda Rama, për të mbytur babain e saj në banesë. Fillimisht, e reja ka njoftuar autoritetet se i ati kishte humbur jetën si pasojë e një rrëzimi në banjë, por hetimet e mëtejshme zbuluan elementë që ngritën dyshime për një vrasje të planifikuar.
Sipas policisë, viktima është mbytur me tel dhe është goditur me sende të forta dhe mjete prerëse. Përveç Emanilda Ramës, e cila tashmë ndodhet në paraburgim si autore e dyshuar e krimit për motive të dobëta, në pranga ka përfunduar edhe nëna e saj, Valbona Rama, e dyshuar për ndihmë në pastrimin e skenës së ngjarjes me qëllim fshehjen e provave.
Policia e Fierit njoftoi se hetimet intensive kanë bërë të mundur dokumentimin e rrethanave të plota të krimit. Materialet procedurale i janë referuar tashmë Prokurorisë për veprime të mëtejshme ligjore.
SHIKO EDHE:
Drejtorët, çunat e bukur të Ballukut që i marrin tenderët vetë
Arrestimi i Safet dhe Behar Bajrit si dhe Astmer Bilalit, SPAK jep detaje: Organizuan vrasjen e Fatbardh Licit
“Ols Dado më tha ndyrësirë”, GJKKO: Veliaj gënjen, e verifikuam dhe diçka e tillë s’ka ndodhur
PS dhe PD bojktojnë tryzën për reformën në drejtësi, BE në krah të Dumanit
SPAK zbardh skemën korruptive si jepeshin lejet e ndërtimit në Tiranë
DËSHMIA E PLOTË/ Nuredin Dumani tregon si u vra Fatmira Dedja: Ajo tentoi të hynte në garazh, por Talo Çela…
