Anija e komandës së Flotës së 6-të të SHBA-së, USS Mount Whitney, mbërrin më 6 shtator në portin e Durrësit. Vizita nënvizon partneritetin e fortë mes Shqipërisë dhe Shteteve të Bashkuara dhe angazhimin e përbashkët për sigurinë rajonale.
Gjatë qëndrimit, anija do të presë autoritete shqiptare dhe përfaqësues të Ambasadës amerikane.
Kjo është hera e parë që një anije e tillë me përmasa kaq të mëdha ankoron në një port shqiptar, duke theksuar rëndësinë strategjike të brigjeve shqiptare.
Anija Mount Whitney ka rol udhëheqës në operacionet detare të SHBA-së në Mesdhe dhe më gjerë, duke kontribuar për sigurinë dhe stabilitetin rajonal.
