Shkodra është tronditur sërish nga një ngjarje e rëndë kriminale. Një person është vrarë me armë zjarri paraditen e sotme në mes të qytetit, në një lokal pranë godinës së bashkisë.
Burime bëjnë me dije se pre e atentatit ka rënë Erogen Vaso alias Erogen Brajoviç, si dhe shtetasi Armando Pali. Ky i fundit ka humbur jetën, ndërsa Erogen Vaso (Brajoviç) ndodhet në gjendje kritike për jetën dhe është dërguar me urgjencë në spital.
Ndërkohë, mësohet se të plagosur kanë mbetur edhe një grua, si dhe kamarieri i lokalit, të cilët duket se janë komplet të pafajshëm në këtë ngjarje dhe plumbat i kanë kapur rastësisht.
Erogen Vaso alias Brajoviç, është vëllai i të arresuarit Denis Brajoviç, është një emër i njohur për policinë pasi në korrik të vitit 2023 emri i tij doli në grupin e Bajrave në Shkodër. Njihet gjithashtu redhe për lidhjet e tij me politikën.
Ai qenë anëtar i këshillit bashkiak, por edhe i përfshirë në vepra kriminale. Fillimisht ka qenë këshilltar bashkiak me Partinë Bashkimi për Drejtat e Njeriut, që drejtohet nga Vangjel Dule.
Në vitin 2007-të ai është akuzuar për veprën penale të “shtrëngimit me anë të kanosjes ose dhunës për përfitim të pasurisë”, e njohur ndryshe si gjobëvënie.
Policia ka rrethuar zonën dhe ka nisur hetimet për zbardhjen e plotë të ngjarjes, si dhe identifikimin e autoëve.
Kjo është e disata vrasje që ndodh në pak ditë në Shkodër, ku mbrëmjen e 4 shtatorit u ekzektutua 34-vjeçari Kristian Kola. Ndërkohë, më 28 Gusht u ekzektua Piro Prroni, i cili u qëllua për vdekje me armë zjarri mbrëmjen e 28 Gushtit në fshatin Abat të Shalës./korieri
