Është identifikuar viktima e një ngjarjeje të rëndë të ndodhur mbrëmjen e sotme në zonën e Babrrusë. Burime për Korrierin bëjnë me dije se bëhet fjalë për shtetasin Hajdar Ismailgeci, 40 vjeç, i cili është gjetur i pajetë buzë rrugës.
Policia e Tiranës ka konfirmuar se në trupin e viktimës janë konstatuar shenja goditjesh me mjet prerës, të cilat i kanë shkaktuar vdekjen. Forcat e rendit ndodhen në vendngjarje dhe po kryejnë veprimet hetimore për zbardhjen e plotë të dinamikës së vrasjes dhe identifikimin e autorit.
“Në vijim të informacionit të dhënë pak më parë, ju informojmë se është identifikuar viktima, shtetasi H. I., 40 vjeç. Grupi hetimor po vijon veprimet me qëllim zbardhjen dhe dokumentimin e plotë të ngjarjes,” njofton zyrtarisht policia.
Hetimet vijojnë, ndërsa ende nuk ka të dhëna për autorët apo motivet e kësaj ngjarjeje.
