Qytetarët të shqetësuar: Hakerat po na marrin paratë nga llogaritë te Banka Kombëtare Tregtare ( BKT ) , faqja e njohur zbulon rastet
Disa denoncime të rënda janë bërë publike duke ngritur një shqetësim tek qytetarët. Mesa duket të dhënat dhe llogaritë bankare nuk janë të sigurta edhe pse depozitohen në bankat e nivelit të dytë që operojnë në vendin tonë.
E gjitha ka nisur pas një denoncimi të bërë publik nga faqja online “Lol Albania” (dikur Lolita), ky një qytetare pretendon se një person me emër arab kishte bërë 2 tërheqje nga llogaria e saj bankare. Pasi ka vënë re që në llogarinë e saj bankare i mungonin 400 mijë lekë të vjetra, qytetarja ka bërë denoncim në bankën ku kishte llogarinë, në Bankën Kombëtare Tregtare, por nuk kanë marrë asnjë përgjigje. Edhe pse ka kërkuar hetimin e çështjes (për të cilin paguan), paratë e saj aktualisht janë në Dubai.
“Ne 14 tetor pata nje problem me banken BKT. Nje person me emer arab kishte bere dy terheqje nga llogaria ime, rreth 40000 leke te reja, per te cilat nuk me erdhi asnje njoftim. E vura re mungesen e parave kur shkova ne bankomat. Pasi bera ankesen (per te cilen pagova 10€ komision) dhe pasi prita pothuajse nje muaj, banka me thote qe kane bere verifikimet dhe nuk ka vjedhje ne llogari, nese dua te vazhdoj me fazen e dyte te investigimit duhet te paguaj 45€ komision serish dhe prape nuk kam garanci per kthimin e parave. Edhe me skandaloz ne kete histori eshte verifikimi i bere nga banka. I kane shkruar hackerit arab dhe e kane pyetur i ke marre gje leke klientit tone nga llogaria? Hackeri i ka thene jo, i kam shitur sherbime turistike ne Arabi. Keta te Bankes i kane thene okay shume faleminderit, na e bej hallall per shqetesimin. Dhe tani nuk mbajne asnje pergjegjesi per leket e zhdukura nga llogaria. Per fat te keq nuk kam qene kurre ne Dubai apo ndonje vend tjeter te Arabise dhe as nuk kam perfituar ndonje sherbim turistik online. Problemi tjeter eshte qe cdo korrespondence me punonjesi e bankes eshte verbale dhe nuk leshojne asgje te shkruar qe mos te kesh mundesi ti denoncosh ne organet perkatese. Rasti nuk eshte i vetem, para nga llogaria ju kane marre dhe dy kolegeve te mia, por shuma nuk ka qene aq e madhe sa per ti shkuar pas kaq gjate. Asnjeres nuk i jane kthyer parate mbrapsht.”
Pas mesazhit të parë, edhe dy persona të tjerë kanë bërë denoncime të ngjashme. Para që merren nga llogaritë e tyre dhe nuk dihet se ku përfundojnë.
– Përshëndetje, duke marrë shkasë nga artikulli juaj e njëjta gjë më ka ndodhur edhe mua me datë 22 nëntor. Më kanë tërhequr nga BKT rreth 32000, kam bërë aplikimin e denoncimit por asgjë.
– Mamasë time pasi për herë të parë në jetën e saj hapi llogari bankare i futën 130 mijë lekë të vjetra një këst shpërblimi për tokën gjoja dhe pas dy ditës mungonin 5 mijë lekë, mbas tre ditësh edhe 5 mijë të tjera. E kështu me radhë çdo ditë.
Edhe pse çështja duket se qenka masive dhe ka ndodhur disa herë, BKT deri më tani nuk ka dalë me një sqarim, ose me të paktën një përgënjeshtrim për rastet e denoncuara. /korrieri
