Biznesmeni Gentian Sula , 3 orë në SPAK llogari për vilën e Veliajt dhe Kryemadhit ?
Për më shumë se 3 orë në Prokurorinë e Posaçme ka dëshmuar këtë të hënë biznesmeni i ndërtimit në Tiranë Gentian Sula.
Ai është paraqitur në cilësinë e personit që ka dijeni mbi rrethana të një procedimi penal të nisur nga SPAK-u.
Burime jo zyrtare për “Ora News” bëjnë me dije se marrja e tij në pyetje ka qenë për banesën e kryetarit të bashkisë së Tiranës, Erjon Veliaj.
Ky i fundit ka deklaruar se prej vitesh jeton në rezidencën “Kodra e Diellit”, që është pronë e Gentian Sulës.
Ndërkohë, siç mëson Korrieri, Sula është pjesë e dosjes së SPAK edhe për çiftin Meta-Kryemadhi, ku rezulton se i ka transferuar nënës së Monikës një sasi të madhe parash.
Po ashtu, në këtë ambient jetojnë edhe disa politikanë të rëndësishëm që janë nën mbikëqyrjen e SPAK-ut lidhur me hetimet e veçanta për pasuritë e tyre
Kujtojmë se rreth një muaj më parë në banesën e Veliajt do të zbarkonin agjentët e BKH-së, të cilët edhe pse u tentuan të ndaloheshin nga bashkëshortja e kryebashkiakut, Ajola Xoxa, ata bënë kontrolle të imtësishme, ndërsa po ashtu kontrolle u zhvilluan edhe tek banesa e vëllait të kryebashkiakut të Tiranës, Arbër Veliaj, si dhe tek “Harabel”, e Ajola Xoxës.
Këto kontrolle janë cilësuar nga familja Veliaj në shkelje të ligjit, por këto pretendime janë rrëzuar nga gjykatat.
