Situata nga përmbytjet në Durrës mbetet e rëndë, teksa Ministria e Mbrojtjes njofton se niveli i ujit në Kanalin e Ujërave të Larta është në pikën kritike.
Një ekskavator ka shkuar në këtë kanall për të kryer pastrimin, njofton Agjencia e Mbrojtjes Civile. Prezencë të lartë të ujit ka në disa zona si Shkozeti, ish-Këneta, Plazhi, Stadiumi dhe unaza e qytetit.
Uji ka hyrë edhe në disa biznese dhe shtëpi.
Njoftimi:
Informacion i përditësuar mbi situatën në Bashkinë Durrës
Për shkak të reshjeve të intensifikuara të shiut, në qytetin e Durrësit janë shfaqur disa problematika, të cilat po monitorohen dhe trajtohen nga strukturat përkatëse.
Një eskavator i Drejtorisë së Ujitjes dhe Kullimit ka mbërritur në Kanalin e Ujrave të Larta për ndërhyrje dhe pastrimin e kanaleve.
Ka rritje të nivelit të ujit në rrugë, duke shkaktuar vështirësi në qarkullimin e mjeteve dhe lëvizjen e këmbësorëve si dhe prani të ujit në disa zona të qytetit si dhe në Shkozet, Ish-magazinat e Agrotransportit, Zona e Plazhit, Ish-Këneta, Stadiumi dhe Lagja “17 Nëntori”.
Uji ka depërtuar gjithashtu në oborret e disa shtëpive në zonën e njohur si “Ura e Dajlanit” dhe Ish-Këneta.
Niveli i ujit në Kanalin e Ujrave të Larta në unazën e qytetit ka arritur në një nivel kritik.
Po ashtu, ka prani të ujit edhe në sipërfaqe bujqësore në njësinë administrative Sukth.
Strukturat vendore janë angazhuar për të riparuar pasojat e krijuara dhe po punojnë intensivisht për të menaxhuar situatën.
Agjencia Kombëtare e Mbrojtjes Civile do të vijojë të ndjekë situatën, për të koordinuar forcat deri në normalizimin e situatës. /korrieri
