Sot po mbahet disa e dytë e dëshmisë së të penduarit të drejtësisë Artan Tafani, pjesë e grupit të Leart Haxhisë i cili po rrëfen ngjarjet kriminale.
Siç raporton gazetarja e Top Channel, Anila Hoxha nën akuzë para Gjykatës së Posaçme janë të pandehur:
Lulzim Spahija (Arapi),
Artan (Marjus) Tafani, i penduar
Ligor Romacka,
Bledar Berberi,
Erisiano Abedini,
Mariglen Topuzi,
Enriko Xhahysa,
Bujar Abedini,
Idriz Manej.
Bashkëpunëtori i drejtësisë Artan Tafani rrëfehet për të dytën herë për togat e zeza të Gjykatës së Posaçme. Në vijim të dëshmisë të nisur një javë më parë, Tafani po jep detaje se sa u pagua për vrasjen e Albi Bashaliut.
Tafani tha se ai mori 20 mijë euro, dhjetë mijë i ka marrë Laert Haxhia dhe 20 mijë Lulzimi.
“Pasi mbaruam punë nuk na ndizej makina. E dogjëm makinën. Te vendi ku kishim lënë makinën tjetër për të ikur. Fshiva timonin që e kisha prekur. U nisa me vrap drejt rrugës kryesore. U nisëm për Tiranë, e lamë Benzin në Astir. Donim të shmangeshim nëpër lagje, ecnim në këmbë.
E lamë makinën te rrethrrotullimi i Astirit. Kemi marrë një pjesë të lekëve të vrasjes së Albi Bashaliut fillimisht 30 mijë euro. Mos gaboj, m’i dha lekët babai i Laertit, Qamili. Babai i Laertit Qamili çdo dy tre muaj vinte tek ne. Dhjetëmijëshen e fundit prapë e solli Qamili”, tha Tafani.
