Detaje të reja janë zbardhur në lidhje me arrestimin e 55-vjeçarit Çlirim Dogani i cili u prangos si bashkëpunëtor i Emanilda Ramës në vrasjen e babait të saj në Fier.
Mësohet se grupi hetimor ka dyshime se vajza ka qenë në një lidhje me Doganin.
55-vjeçari rezulton se i martuar dhe ka fëmijë të rritur.
Nga ana tjetër 26-vjeçarja së fundmi ka qenë ndarë nga partneri.
Sipas raportimeve e reja ka qenë e fejuar dhe tre herë të tjera.
Ngjarja dyshohet se mund te ketë ndodhur pasi babai i 26-vjeçares nuk ka pranuar lidhjen me 55-vjeçarin i cili ishtë një vit më i vogël se viktima.
Dogani i ka hedhur poshtë të gjitha akuzat ndërsa ka theksuar se ditën që ka ndodhur ngjarja ka qënë në fshatin e tij.
55-vjeçari dyshohet se ka bashkëpunuar me vajzën e viktimës duke përdorur sende të forta dhe mjete prerëse për të mbytur Ramën.
Në lidhje me këtë ngjarje është arrestuar edhe nëna e 26-vjeçares, Valbona Rama pasi ajo dyshohet se ka ndihmuar në pastrimin e ambientit për të mos lënë gjurmë të aktit të rëndë.
