Partia Socialiste mbledh sot Asamblenë e Përgjithshme ku pritet që kryeministri Edi Rama të publikojë listën e emrave që do të jenë pjesë e kabinetit të tij në këtë mandat të katërt qeveritar. Në një postim në Facebook, Rama i cili tashmë i ka emrat gati, ka shpërndarë një foto nga zyara e tij në Kryeministri, ndërsa krahas fotos shkruan: MIRËMËNGJES Shihemi në 11.00.
Në fakt asambleja pritej të mblidhej në 09:30, por si duket orari ka ndryshuar. Asambleja do të zhvillohet në ambientet e Pallatit të Kongreseve. Shpallja e qeverisë së re do të vijë një ditë para mbledhjes së Kuvendit të ri.
Në lidhje me kabinetin e ri, kreu i qeverisë është shprehur se do të jetë një përzgjedhje që do të reflektojë vullnetin e 11 majit, me deputetët të vjetër e të rinj. Të angazhuar të rinj e të vjetër, askush nuk ka asgjë të sigurt dhe kush do të jenë ata duhet të presim edhe pak.
Në parlamentin e ri, PS do të ketë 83 deputetë. Me nisjen e Kuvendit, brenda 10 ditësh, Edi Rama duhet të paraqesë në Kuvend programin qeverisës dhe kabinetin e ri, që kalojnë për miratim me 71 vota. Pas votimit në Kuvend, qeveria bën betimin përpara Presidentit të Republikës.
