Aksionet e Netflix ranë me 2.3% të mërkurën dhe vazhduan të bien me 0.8% në 1,162 dollarë të enjten. Rënia erdhi pasi CEO i Tesla, Elon Musk, nisi një seri postimesh në rrjetin social “X” duke u bërë thirrje njerëzve të anulonin abonimet e tyre në platformën e filmave.
Kontradiktat filluan të martën kur Musk iu përgjigj një postimi nga një përdorues i cili tha se kishte anuluar abonimin e tij në Netflix. “Njësoj,” u shkroi Musk 226 milionë ndjekësve të tij.
Kritika e Musk u përqendrua në serialin e animuar “Dead End: Paranormal Park”. Shfaqja ka tërhequr vëmendjen e zërave konservatorë në internet ditët e fundit. Në serial dëgjohen fëmijët teksa flasin për tranzicion gjinor.
“Anuloni Netflix për shëndetin e fëmijëve tuaj,” shkroi Musk në një postim pasues. Ai pretendoi se seriali po “shtynte ideologjinë trans” tek fëmijët.
Musk iu përgjigj gjithashtu një postimi tjetër që theksonte se seriali reklamohet për shikues që nga mosha shtatë vjeç. “Kjo nuk është në rregull”, shkroi ai.
Në një tjetër serial, The Baby-Sitters Club, mjekët shihen teksa i referohen një djali të mitur në gjininë femërore.
