Nëntë persona mbetën të plagosur rëndë për jetën pas një serie goditjesh me thikë në një tren pranë Kembrixhit në Anglinë lindore mbrëmjen e djeshme.
Policia Britanike e Transportit tha se agjentët kundër terrorizmit po mbështeste hetimin ndërsa punon për të përcaktuar rrethanat e plota dhe motivimin e incidentit. Dy persona janë arrestuar lidhur me ngjarjen.
“Po kryejmë hetime të shpejta për të përcaktuar se çfarë ka ndodhur, dhe mund të duhet pak kohë para se të jemi në gjendje të konfirmojmë diçka më tej,” tha Shefi i Policisë Britanike të Transportit Chris Casey. “Në këtë fazë të hershme nuk do të ishte e përshtatshme të spekulohej mbi shkaqet e incidentit.”
Policia e Kembrixhit tha se u thirr në orën 19:39 pas raportimeve se disa persona ishin therur me thikë në shërbimin e orës 18:25 nga Doncaster në Anglinë veriore për në London King’s Cross.
Treni u ndal në Huntingdon, ku oficerë të armatosur që u panë duke hyrë në vagona. “Oficerët e armatosur morën pjesë dhe treni u ndal në Huntingdon, ku u arrestuan dy burra,” tha policia.
Një dëshmitar okular i tha Sky News se njëri prej të dyshuarve, duke mbajtur në dotë një thikë të madhe, u qëllua me tazer nga policia.
Shërbimi i Ambulancës së Anglisë Lindore tha se mobilizoi një reagim në shkallë të gjerë në Stacionin Hekurudhor të Huntingdon, i cili përfshinte ambulanca të shumta dhe ekipe të kujdesit kritik, duke përfshirë tre ambulanca ajrore.
Kryeministri britanik Keir Starmer postoi në X se incidenti ishte “thellësisht shqetësues”.
“Mendimet e mia janë me të gjithë ata që janë prekur dhe falënderimet e mia shkojnë për shërbimet e emergjencës për reagimin e tyre”, tha ai.
