Gazetari Igli Çelmeta ka deklaruar mbrëmjen e sotme se në atentatin e Rinasit ku u vra Gilmando Dani dhe Mustafa Sheqeri, kanë marrë pjesë 8 persona.
Sipas tij autorët nuk janë komando apo punonjës ushtrie, por ‘punëtorë krimi’ dhe puna e tyre e vetme është të kryejnë vrasje. Ai thotë se 8 personat kanë marrë 5 milionë euro për vrasjen e Danit.
“Lidhur me ngjarjen e rëndë ka informacione që për Gilmando Danin janë ofruar 5 milionë euro. Dhe kanë marrë pjesë në atentat 8 persona. Nuk janë vetëm ata që dalin, por është një logjistikë ka të implikuar edhe punonjës zyrtar të policisë rrethi është shumë i gjerë, por edhe pagesa për një atentat në një vend të sigurt si aeroporti janë vrasës me pagesë që nuk e dinë se kush është porositësi. Një ish-komando e ish-ushtarak të godet me tek plumb në gjoks. Ata janë punëtorë krimi”, është shprehur gazetari në A2 CNN.
