Kryeministri, Edi Rama, i ka dalë në mbrojtje hapur drejtoreshës së AKSHIT, Mirlinda Karçajan, për të cilën SPAK ka caktuar masën ‘arrest shtëpie’ për akuzën e shkeljes së barazive në tendera. Në konferencën e fundit për mediat për këtë vit, Rama tha se gëzon respekt maksimal për drejtoreshën e AKSHI-t, pasi sipas tij, ka strukturuar këtë institucion.
Kryemnistri madje i qau hallin Karçanajt, që akuzohet për shpërdorimin e miliona eurove, se jeton në një shtëpi me qira.
“Kjo është pjesë e hetimeve. Nuk kam dijeni për këtë dhe nuk mund të bëj asnjë koment për gjysmë të vërtetat që dalin lart e poshtë. Është proces, do bëhen hetime. Në krye të skuadrës së AKSHIT është një grua që ka respektin e padiskutueshëm. Linda Karçajan, që ka një masë sigurie, me një shtëpi me qira ku jeton, pasi më parë jetonte në një shtëpi të postkomunizmit në banesën e prindërve të tij. E njoh prej 20 vitesh dhe ka respektimin tim”, tha Rama.
Megjithatë, verifikimet e kryera nga VNA tregojnë se Karçanaj nuk ka deklarim pasuror as në ILDKPKI dhe as në faqen Open Spending Albania. Deklarimi pasuror është një detyrim ligjor për çdo zyrtar shtetëror, veçanërisht për Karçanajn që ka mbajtur postin e drejtoreshës së AKSHI-t për tetë vite.
Ngrihet pyetja nëse kjo është rezultat i një harrese të ILDKPKI-së për të kërkuar deklarimin, apo vetëm Karçanaj përjashtohet nga ky detyrim ligjor? Në të dyja rastet, kërkohet një sqarim.
