Gjykata e Posaçme e Apelit rrëzoi kërkesën e ish-deputetit socialist Jurgis Çyrbja për shuarje të masës së sigurisë. Ai pretendon se e ka përfunduar dënimin e caktuar nga GJKKO.
Ish-deputeti socialist, Jurgis Çyrbja dhe dy të pandehurit e tjerë, Altin Hajri e Ahmet Masha, u deklaruan fajtorë për korrupsion në zgjedhje, përkrahje të krimit dhe nxjerrje të sekretit shtetëror.
Jurgis Çyrbja u dënua me 3 vjet burg, por në aplikim të gjykimit të shkurtuar ai duhet të vuajë 2 vjet burg.
Altin Hajri u dënua me 3 vjet burg, ndërsa ndodhet në arrati për rrëmbimin dhe zhdukjen e Jan Prengës. I pandehuri Ahmet Masha u dënua me 2.6 vjet burg. Ai ka rifituar lirinë.
