Tronditet Nikla. Një person u qëllua për vdekje me armë zjarri. Ngjarja ndodhi rreth 18:15, në fshatin Vrion, Nikël.
Viktima u identifikua si Artur Çangu, ndërsa autori i dyshuar, Eduart Afmataj, u shpall në kërkim.
Nga hetimet paraprake, autori ka pasur një sherr disa ditë më parë me djemtë e viktimës. Dyshohet se sherri mes tyre ka ndodhur për motive pronësie. Afmataj është dhëndërr në familjen Çangu. Pas debatit, ai mesa duket ka vendosur të përballet me Artur Çangun. Sapo janë përballur në Vrion, Afmataj e ka qëlluar për vdekje.
Krujë/Informacion paraprak
Rreth orës 18:15, në fshatin Vrion, Nikël, dyshohet se shtetasi E. A, gjatë një konflikti për motive të dobëta, ka vrarë me armë shtetasin A. C.
Shërbimet e Policisë vijojnë kontrollet për kapjen e autorit të dyshuar, shtetasit E. A.
Grupi hetimor ndodhet në vendngjarje dhe punon për sqarimin e plotë të rrethanave të rastit dhe dokumentimin e plotë ligjor të tij.
