Edi Rama ka konfirmuar atë, që tashmë është ligj në partitë shqiptare.
Ose do bindesh, ose do shpallesh kundërshtaar.
Këtë na tregoi edhe rasti me Elisa Spiropalin, së cilës tashmë i është mohuar jo vetëm të flasë, por edhe të mendojë ndryshe nga partia.
Në të kundërt, do të përjashtohet.
“Partia ka dy ngjyra, bardhë e zi. ose bardhë dhe me ne, ose zi dhe përballë nesh”, mësohet të ketë thënë Rama në mbledhjen e grupit parlamentar të kësaj të hëne.
Tani është normale që kur bëhesh pjesë e një partie, duhet të kesh të njëjtat bindje dhe ideale dhe duhet të ecësh në të njëjtin drejtim.
Por kjo nuk e përjashton faktin që ndonjëherë të kesh edhe mendime ndryshe, edhe të kundërshtosh, edhe të kritikosh.
Se ndryshe pastaj, bëhet si në Partinë e Punës.
Gjë që duket, se ka ndodhur realisht në Partinë Socialiste.
Aty ku lejohet të mendosh vetëm si mendon Edi Rama.
