Detaje të reja nga dosja hetimore e SPAK, hedhin dritë mbi një skemë të dyshuar të trafikut të drogës dhe pastrimit të parave, ku përmenden edhe emra të njohur të botës së biznesit.
Sipas përgjimeve të aplikacionit Sky ECC të administruara nga SPAK, në lidhje me një transaksion prej 400 mijë eurosh, i justifikuar në dokumentacion si pagesë për “blerje gomone”.
Sipas materialit hetimor, mjeti lundrues “Uragan” kishte një vlerë reale prej 850 mijë eurosh, ndërsa në dokumentet bankare është deklaruar shuma prej 400 mijë eurosh.
Dosja referon se Adrian Rama i ka kërkuar Edmond Jaupit që gomonia të kalonte në pronësi të këtij të fundit, ndërsa hetuesit dyshojnë se diferenca mes vlerës reale dhe asaj të deklaruar mund të jetë përdorur për të justifikuar ose qarkulluar fonde me origjinë të dyshuar kriminale.
Çështja është pjesë e hetimeve të SPAK dhe pretendimet e përfshira në dosje mbeten objekt i procesit hetimor.
Përgjimet nga dosja “ARUBA”:
B- Ça do bëjmë me ato letrat e gomones? Do bojmë nai gjo për t’honën, apo kur të vish ti? A – Po kur të vij unë o vlla. Ç’ke me letrat ti. N’rregull i ke tani. B – E po t’bojmë ça do bojmë me ate, ap?…? A – Po ti njësoj do ta mbash autorizimin. Si nga ai, si nga mu, ç’rëndësi ka? S’ka lidhje. B – Jo, me i kalu atij, se desha me pru… të dhënat ai. E kupton? Gjërat. A – Kush do? B – Ngaqë m’the t’premten ti mu, t’bi pagesën. Do ta bi them ai, apo t’i them kur t’vish ti o vlla.
Sipas dosjes hetimore të SPAK, nga komunikimet e administruara në aplikacionin Sky ECC evidentohet se Edmond Jaupaj deklaron se gomonia është blerë për 400 mijë euro, ndërsa sipas hetimeve vlera reale e paguar ka qenë 850 mijë euro, shkruan weblajm.
Në të njëjtën bisedë, Dorin Maraku i thotë: “Ti e ke marr për at’ tjetrin, e ke fjalën?”, ndërsa Jaupaj e konfirmon. Sipas SPAK, ky komunikim krijon dyshimin se mjeti lundrues “Uragan” nuk ishte në pronësinë faktike të Edmond Jaupajt, por të Adrian Ramës, një konkluzion që, sipas organit të akuzës, mbështetet edhe nga komunikime të tjera të administruara në kuadër të hetimit.
A: Hiç o, mirë. Kam një gomone që e kam me lizing te Fibanku.
B: Ehe.
A: Dua t’ia kaloj njërit që merret me gomone, se s’e dua më.
B: Po.
A: Ajo, për t’u blerë, është blerë 850 mijë euro, por në bankë, me kalim bankar, është bërë 400 mijë.
B: Ehe?
A: Lizing për atë… kam marrë 200 mijë, më duket, se 200 mijë ia kam bërë pagesë.
B: Po.
A: Tani dua t’ia mbyll atë lizingun atij.
B: Ti e ke marrë për atë tjetrin, e ke fjalën?
A: Eeee.
B: Apo do t’ia transferosh atij?
A: Tani unë dua t’ia transferoj, po atij nuk ia transferojnë. Duhet ta mbyll unë atë. Dhe zëmë se vajta e mbylla unë. E mbylla lizingun, se njëqind e ca mijë euro kanë ngelur.
B: Po.
A: Tani…
B: Ti do që ta bësh te unë?
A: Këtij zotërisë ia bëjmë dot te ty?
B: Duhet të pyes pak për këtë, ta diskutoj pak. Se ngaqë është varkë, për varka s’kemi bërë.
A: Po është kështu mo, është nga këto markat. Është… është e mirë.
B: E marr vesh, e kuptoj o burrë. Pa diskutim. S’kemi bërë ndonjëherë më. Nuk e kemi…
A- Mmmm. B- Edhe atje e ke n’emrin tat. Ke len dicka garanci kam pershtypjen. Te ajo. A- Jo, jo. Jo, jo, jo. Thjesht… B- Kan marr vetem ate… asetin. A- Mhh, po. Domethen tamam tamam, ajo nuk esht e imja. B-E kuptoj. A- E kupton? Thjesht kam… nuk e benin dot ata aq lek vleren, dhe un nga meraku ja mora leket dhe nga meraku e bera lizing n’kuptimin qe… eeee… se ata e pagun t’gjithen, nuk esht se ki..kam ndonje detyrim un. Ua mora leket. B- Te cili e ke ble ?? A- E kam ble te nje djal. Po Lirit do t’ja kaloj. Lirit t’varkave do ja kaloj. B- Mar vesh. A- (degjohet ambjental) Po, e kam bler nga gruja (nuk kuptohet) (flet ne telefon) E kan bler nga gruja e njerit ata. B- E me nejse, hajt, s’ka rendsi. A- Domethen esht bler katerqind mij me letra. N’fakt esht bler tetqind e pesdhjet mij euro. B- Vleren e tregut e ka tetqind e pesdhjet po themi. A- Ajo sot nuk esht… nuk e… nuk esht me pak se shtatqind mij euro, nuk e gjen dot.
Më pas paratë kanë kaluar nga FIBANK në BKT.
