Vala e të nxehtit vijon edhe të shtunën, me temperaturat që pritet të arrijnë deri në 40°C.
Sipas Shërbimit Meteorologjik Ushtarak, moti do të jetë kryesisht i kthjellët, ndërsa në zonat malore priten vranësira të pakta deri mesatare gjatë mesditës dhe pasdites.
Sipas parashikimit, në relievet malore do të ketë reshje shiu me intensitet të ulët, ndërsa në zonat e larta malore, kryesisht në veri dhe lindje, nuk përjashtohen shtrëngata të shkurtra.
Era do të fryjë nga kuadrati i perëndimit me shpejtësi mesatare deri në 6 m/s, ndërsa përgjatë bregdetit dhe në zonat luginore mund të forcohet deri në 14 m/s.
Në det pritet valëzim i forcës 1-3 ballë.
