Në fillim të vitit 2020, Saimir Sula mbërriti në Barcelonë, ku u vendos me të motrën Majlinda që jetonte aty. Filloi me shitjen e suvenireve dhe më pas aplikoi për një leje qëndrimi në Spanjë. Në maj të atij viti, për shkak të situatës së pandemisë, u hospitalizua. Pak kohë më vonë, e motra mori një telefonatë prej tij: Eja shpejt, ata po më vrasin. Ishte 9 maj, ditëlindja e Majlindës.
Kur e motra mbërriti në spital, vëllai kishte vdekur, fillimisht testuar negative nga COVID, por duke dashur të ikë nga spitali në situatë të tensionuar dhe i mbajtur nga rojet. Trupi i tij u kthye në Shqipëri ku ekzaminimet treguan se zemra e tij mungonte. Autopsia nuk tregoi asnjë shenjë për heqjen e ndonjë organi. 6 vite më vonë, familja pret përgjigje.
Investigimi në Barcelonë u mbyll pa gjetur asnjë gjë negative. Por prokuroria e Tiranës e ka çështjen të hapur për trafikim organesh. Prokuroria ende nuk ka marrë 14 prova që ka kërkuar mes të cilave edhe videot nga spitali dhe dëshmitë e dëshmitarëve e doktorëve si dhe autopsinë fillestare. Portali Objective në Spanjë ka marrë dokumentet e gjykatës për të dy shtetet. Pas disa vitesh ngulmimi nga familjarët, në korrik 2023, Shqipëria mori një zemër me një datë vdekje 22 prill 2020.
Në atë moment, organi nuk mund të identifikohej nga AND për shkak të disa vështirësive teknike që sipas familjarëve ishin dëmtuar.
“Tek Instituti i Toksikologjisë ata e dinë që ne duam ADN dhe ata e kthyen zemrën në gjendjen që e sollën” thotë Carlos Sardinero, avokati i familjes.
“Kemi një zemër të ndarë nga trupi pa informuar ekspertët shqiptarë: u zbulua kur trupi i Saimirit mbërriti në Shqipëri. Na u desh muaj për të gjetur zemrën, por gjykata në Barcelonë nuk na lejoi që të merrnim filmimet” thotë ai.
Ekzaminime janë bërë në Barcelonë, Tiranë e Bruksel. Avokati nënvizon se raportimi i parë tregon për gjendje agjitimi dhe përshkruan si një çarje arterie që nuk duket në analizat e Belgjikës. Të tjera burime, afër rastit thonë se ka gabime administrative dhe mund të ketë ndodhur që organi të ketë humbur në atë situatë pandemie. Spitali del mar në Barcelonë nuk bën transplante, një operacion i vështirë që do salla të specializuara. Zëdhënësit e tij ngushëllojnë familjen, dhe në përgjigje për këtë raportim thanë se spitali ka bashkëpunuar me investigimin policor dhe gjykatësit për çështjen që është mbyllur në të gjitha shkallët, një vendim që Spitali e ka pranuar.
Mbi të gjitha spitali thotë se nuk ka marrë deri tani asnjë kërkesë nga sistemi gjyqësor shqiptar. Ministria spanjolle e drejtësisë thotë zyrtarisht se të gjitha kërkesat që kanë ardhur nga Shqipëria për këtë çështje janë vënë në dispozicion. Nga ana tjetër, në Tiranë, zyra e prokurorit të përgjithshëm nuk dha informacione. “Prokurori i përgjithshëm ka vendosur të mos e realizojë intervistën për shkak të sensitivitetit të cështjes” thuhet zyrtarisht nga institucioni.
“Kam shërbyer si Ministër drejtësie për 8 vite dhe kemi marrëdhënie të shkëlqyera me Spanjën”, thotë Eduard Halimi, tani avokat i familjes.
“Sa e vështirë është të bësh testin e ADN, në 6 vjet? Pyet Majlida Sula, motra e Saimirit. I kërkoj zotit Bolanos dhe Pedro Sanchez që të mos heshtin dhe të çojnë në pyetje doktorët. Ata e dinë se cfarë ka ndodhur me zemrën e Saimirit dhe duhet të dëshmojnë përpara gjykatës” vazhdon ajo duke kërkuar nga drejtësia spanjolle të rihapë çështjen.
“Ata po fshehin diçka. Saimiri u varros pa zemrën, dhe zemra që e kanë në frigorifer ka përfunduar në 22 prill, ndërkohë që Saimiri vdiq në 9 maj. Vetëm ADN mund ta verifikojë nëse është zemra e tij apo jo. Faktet flasin. Është e tmerrshme që familja vazhdon të jetojë në këtë torturë” thotë ajo.
