Avioni Jet2 LS3214 që fluturonte nga Burgas për në Liverpool u detyrua të bëjë një ulje të paplanifikuar në Këln, Gjermani, pasi një pasagjer pati probleme shëndetësore dyshuar si atak kardiak. Ekuipazhi i avionit dhe dy pasagjerë me trajnim mjekësor u përpoqën ta ndihmonin, por fatkeqësisht, pasagjeri ndërroi jetë në fluturim.
Sapo avioni u ul në Këln, ekipet e emergjencës u përpoqën të jepnin ndihmë mjekësore, por përpjekjet e tyre nuk ishin të suksesshme. Fluturimi u vonua për disa orë në Gjermani përpara se të vazhdonte për në Liverpool, ku mbërriti në mbrëmje.
