Dy persona janë lënduar si pasojë e një shpërthimi në një pikë karburanti në rrugën “Bardhyl” në Tiranë.
Të plagosurit janë menaxheri dhe shoferi, të cilët janë dërguar në spital. Sipas policisë shpërthimi ka ndodhur nga një autobot gjatë kohës që ka qenë duke u furnizuar një karburant me benzinë.
“Më datë 04.11.2023, rreth orës 13:30, në Rrugën Bardhyl, gjatë kohës që ka qenë duke u furnizuar një karburant me benzinë, nga një autobot, ka ndodhur një shpërthim.
Si pasojë është dëmtuar shtetasi M. Ç., (menaxher) dhe shtetasi M. K. (shoferi i autobotit), të cilët janë transportuar në spital dhe ndodhen nën kujdesin e mjekëve” njofton policia.
Grupi hetimor po punon për sqarimin e rrethanave të ngjarjes.
