Në spektaklin e mbrëmjes së djeshme në Big Brother, u tregua linja e jetës së Erjolës, e cila preku shumë prej banorëve por edhe publikun me rrëfimin e saj.
Erjola zbuloi se ka qenë në një marrëdhënie toksike ku është dhunuar psikologjikisht dhe fizikisht, madje ka tentuar edhe të lëndojë veten.
“Në moshën 3-4 vjeçare mu dogj gjithë trupi. 97% mund të isha e vdekur. I vetmi gjak që mund të më shpëtonte ishte i babit.
Ai më ka dhuruar një jetë të dytë. I them faleminderit Zotit se ka njerëz që nuk arritur ti thonë baba dikujt. Më ka marrë malli kur më thërriste Lolita e babit, më jepte siguri. Kur babai im ndërroi jetë, humba forcën time më të madhe. Nuk e prisja që një vajzë kaq e vogël do të kthehej në një grua.
Për një familje me 4 vajza jeta e mamit ka qenë me të zeza. Mërzitem që kam kaluar shumë pak kohë me nënën time.
Amaneti i fundit që babi la ka qenë atë gocë mos ma prekni me dorë. Kam qenë e lidhur. Ka qenë një dashuri e pamundur reciproke, por aq toksike saqë theu shumë gjëra në jetën time. Kam përjetuar dhunë psikologjik, verbale dhe fizike.
Këto veprime vinin si pasojë e xhelozisë, e punës time në televizion. Vetja më dukej e shëmtuar kalova në depresion por më duhet të dilja të buzëqeshja para kamerave.
Kam dashur t’i bëj vetes keq por më dilte fytyra e familjes time para. Dua të kthehem edhe njëherë në Erjolën time si vajzë. Kam lejuar një njeri të shtypi dhe të ndrydhi ndjenjat e mia, por unë jetoj për ty mami. Të dua shumë”, u shpreh Erjola gjatë rrëfimit të saj.
Ndërkohë që pas këtyre emocioneve, ajo u surprizua nga e ëma e saj në një takim.
Fillimisht ajo u prit në dhomën e surprizave nga një sofër, në të cilën ndodheshin gatimet e nënës.
Takimi i tyre ishte emociones, ku të dyja shpërthyen në lot
