Europa është kthyer djathtas duke konfirmuar të gjitha parashikimet e bëra për zgjedhjet e 9 qershorit.
Dalja e “exit poll”-eve nga e gjithë Europa është krijuar tashmë një ide paraprake se si do të duket Parlamenti i ardhshëm Europian.
Partia Popullore Europiane e qendrës së djathtë ka zgjeruar dominimin e saj mbi Parlamentin, ndërsa “Të gjelbrit” dhe centristët e “Renew” kanë shënuar rënie.
Një rritje kanë pësuar të dy grupet parlamentare të krahut të djathtë që janë “shtëpia” e shumicës së partive të ekstremit të djathtë. AfD e ekstremit të djathtë të Gjermanisë është përjashtuar nga grupimi “Identitet dhe demokraci” për shkak të një sërë skandalesh, kështu që tani për tani ata janë pjesë e grupit të deputetëve të pavarur.
Në vend të parë mbetet Partia Popullore Europiane që mbështet presidenten aktuale të Komisionit, Ursula von der Leyen. Sipas këtyre projeksioneve EPP do të ketë 181 vende në parlament ose 4 më shumë se në të kaluarën.
Grupi i socialistëve dhe demokratëve është i dyti me 135 vende ose 5 më pak se në të kaluarën.
Liberalët e grupit “Renew” me 82 vende apo 20 vende më pak. Ndjekin më pas grupi Konservatorët dhe reformistët” me 71 eurodeputetë, grupi “Identitetit dhe Demokraci” me 62 eurodeputetë, Të Gjelbrit me 53 vende, të majtët 34 vende.
Të gjithë presin daljen e Ursula von der Leyen, por festa e Partisë Popullore Europiane në Bruksel tashmë ka filluar.
