Qytetarë të shumtë u mbledhën pasditen e sotme në sheshin ‘Skënderbej’ dhe marshuan drejt Kryeministrisë, për Egli Progën, 42 vjeçarin që humbi jetën 9 ditë më në Pogradec nga dhuna e ushtruar nga Denis Meçe.
Gjatë fjalës në protestën e mbrëmjes së sotme, motra e Egli Progës, i cili u vra disa ditë më parë në Pogradec, ka deklaruar se vëllai i saj u vra nga 4 kriminelë në bashkëpunim me njëri-tjetrin.
“Ai u qëllua nga 4 barbarë. Njëri prej tyre u dorëzua në formë të kontrolluar, të tjerët kanë 9 ditë që pinë raki. Kjo është drejtësia?”, u shpreh ajo.
E reja u shpreh se “horri që ka marrë përispër vrasjen është organizuar që ta marrë ai që të shpëtojnë të tjerët. Ky maskara kur u dorëzua në polici tha se Eglin nuk e preku fare me dorë. Nuk ka dëshmitarë, kamera s’ka, prova s’ka”.
Sipas saj, policia e pa të ndjerin për 13 minuta që lëngonte në rrugë dhe nuk e prekën me dorë, ndërsa shtoi se “maskarai që e vrau, e pa dhe nuk e ndihmoi”.
Lexo edhe:
Vrasja e Egli Progës, Lapaj: Mund t’i ndodhë secilit prej nesh
“Kundër gangove në pushtet”! Nis marshimi për vrasjen e Egli Progës (VIDEO)
Në protestë ishte edhe djali 12-vjeçar i Egli Progës.
“Ishte 9 gusht ku në këtë orë vëllai im Egli u gjet i vdekur pa asnjë shenjë jete. Vdiq në rrugë mes Pogradecit, vdiq i rrahur në kokë, në trup. Janë 4 vrasësit e Eglit. Unë jam juriste e di shumë mirë çfarë rolesh kanë bashkëpunëtorët. Prokuroria, gjykata dhe policia ta dëgjojnë mirë. Egli u vra nga 4 kriminelë në bashkëpunim me njëri-tjetrin. Unë nuk akuzoj pa bazë vetëm sepse më ka vdekur vëllai me të cilin u rrita. I thashë prokurores se nuk mund ta bëjë drejtësinë e vëllait tim. Ai u qëllua nga 4 barbarë. Njëri prej tyre u dorëzua në formë të kontrolluar, të tjerët kanë 9 ditë që pinë raki. Kjo është drejtësia? Prokurorja që la barbarët të pinë raki u hoq nga çështja pas kërkesës sime. Horri që ka marrë përsipër vrasjen është organizuar që ta marrë ai që të shpëtojnë të tjerët. Ky maskara kur u dorëzua në polici tha se Eglin nuk e preku fare me dorë. Nuk ka dëshmitarë, kamera. Përse u dorëzua kur nuk ka prova? Sepse thanë se Egli vdiq nga pija? Një nga vrasësit e vëllait tim fjeti gjumë dhe thirri avokatin për t’u dorëzuar. Ky maskara tha se Egli vdiq vetë, nuk e preku me dorë. Policia e pa për 30 minuta që lëngonte në rrugë dhe nuk e prekën me dorë. Maskarai që e vrau e pa dhe nuk e ndihmoi. Ai ka emër, Leonidha Guçe. Ky është një trafikant që e njeh mirë policia e Pogradecit dhe ia njeh mirë bëmat Kjo është drejtësia zoti drejtor? Egli nuk vdiq nga pija, por u qëllua nga 4 barbarë që kanë emra dhe mbiemër, por nuk dua të akuzoj nga sheshi asnjë se çdo gjë do ta bëj me letra e ligj, jo thjesht me fjalë. Doja t’u tregoja pak nga e vërteta dhe nuk do të hesht. Do hetoj edhe ata që nuk hetuan deri më sot“, u shpreh ajo.
Marshimi për vrasjen e Egli Progës, familjarët ndezin qirinj te shkallët e Kryeministrisë
Pas fjalimit gjatë protestës së mbajtur sot, familjarët e Egli Progës, kanë ndezur qirinj te shkallët e Kryeministrisë.
Në priotestë përveç motrës së 42-vjeçarit dhe disa të afërmeve të tjerë, ishte edhe djali i viktimës.
Kujtojmë që për Egli Progën, janë mbajtur disa homazhe në qytetet kryesore të vendit.
