U vra sapo doli nga Bar Artisti në Xhamllik, makina e Klaudio Prendit shosh nga plumbat, reagon policia
Pas vrasjes së Klaudio Prendit që tronditi Tiranën pak mas mesnate, policia ka gjetur një makinë të djegur, e cila dyshohet se i përket autorëve.
Vrasja e 30-vjeçarit u shënua në orën 00:36, në rrugën “Xhanfize Keko”, sapo ai doli nga Bar Artisti.
Ai është qëlluar me breshëri plumbash sapo ka dalë nga lokali në zonën e “Xhamllikut” për të hyrë në makinën e tij, e cila është bërë shoshë nga plumbat.
Ndërkohë Policia njofton zyrtarisht se “Më datë 19.11.2024, rreth orës 00:36, në rrugën “Xhanfize Keko” , dyshohet se është qëlluar me armë zjarri shtetasi K. P., rreth 30 vjeç, i cili është transportuar në spital për ndihmë mjekësore por si pasojë e plagëve të marra ka ndërruar jetë.
Rreth orës 01:05, në afërsi të Liqenit të Farkës është konstatuar duke u djegur një mjet tip “Audi”.
Një grup i posaçëm hetimor, në drejtimin e Prokurorisë, po vijon punën për zbardhjen e plotë rrethanave të ngjarjes, dokumentimin e plotë ligjor të saj, identifikimin dhe kapjen e autorit/ëve të dyshuar”. /korrieri
