Detaje të reja janë zbardhur nga banda e Edmond Perbashës, 44-vjeçarit nga Mirdita që drejtonte nga burgu një grup kriminal. Perbasha kishte planifikuar që të sulmonte drejtorin e burgut të Janinës para se të transferohej në Diavata. Mediat greke kanë publikuar një pjesë të bisedes, ku 44-vjeçari ishte duke planifikuar sulmin ndaj drejtorit të burgut.
“Do dërgoj disa cuna nga Shqipëria, do t’i çoni diku që do t’ju them, t’i … shtëpinë e tij. Çfarë ka e nuk ka, në mal të gjithë. Do ta shkatërroj si familje. Do vijnë nga komando nga Shqipëria, mos u shqetësoni. A duan të dinë se kush është P…? Ua tregoj unë”, ka thënë “Mondi”.
Grupi drejtohej nga burgu nga Edmond Përbasha 44 vjeç, i njohur si “Mondi”. Protothema raporton se në total janë arrestuar 26 persona, përfshirë drejtuesin e grupit dhe nipin e tij.
Organizata dyshohet se vepronte në periferitë jugore të Atikës dhe ishte e përfshirë në zhvatje, zjarrvënie, rrahje, tentativë vrasje, trafik droge dhe gjithashtu në një incident me të shtëna me armë zjarri që ndodhi tetorin e kaluar në Syngru. Të gjithë janë shtetas shqiptarë e grekë.
Ata janë:
Edmond Përbasha, 44 vjeç nga Mirdita
Klajvert Përbasha, 20 vjeç nga Mirdita
Mario Kojku, 20 vjeç nga Lushnja
Denhendri Kasemi, 22 vjeç
Amarildo Hajderasi, 27 vjeç
Ilia Shahini, 22 vjeç
Evgjenia Lumani, 23 vjeç
R. Plaku, 16 vjeç
Për të arritur qëllimet e tyre, organizata kriminale vepronte në dy nëngrupe, me strukturë dhe veprim të veçantë. Nëngrupi i parë përbënte “bërthamën e fortë” të organizatës, duke ndërmarrë si trafikun e lëndëve narkotike ashtu edhe kryerjen e krimeve të rënda që rezultonin në rrezik të konsiderueshëm për jetën e njerëzve dhe shkaktuan dëme të rënda materiale. Në nëngrupin e dytë, anëtarët e tij ishin më të ulët në hierarki dhe ishin aktivë ekskluzivisht dhe çdo ditë në shpërndarjen e lëndëve narkotike, në zona të ndryshme të Athinës Juglindore, konkretisht në Glyfada, Argyroupoli, Elliniko, Voula, Vouliagmeni, Vari, Alimo, Ilioupoli, Koropi, Lagonisi dhe Humnera.
Janë zbardhur disa ngjarje kriminale si sulmi me zjarr në një dyqan të kujdesit shëndetësor, në nëntor 2023 në Marusi, vendosje eksplozivi në qershor 2024 në hyrje të një pallati në Peristeri, rrëmbimi dhe shkaktimi i lëndimit trupor të një personi, në gusht 2024, për borxhin e tij monetar, kërcënime ndaj oficerëve të burgjeve, në gusht 2024, vendosja e eksplozivit në gusht 2024, në një dyqan me interes shëndetësor në Argyroupoli dhe tentativa e vrasjes me armë zjarri dhe thikë ndaj dy personave, në tetor 2024 në Nea Smyrni.
Nga kontrollet e kryera në kuadër të operacionit janë gjetur dhe sekuestruar Nga hetimet e kryera në kuadër të operacionit janë gjetur dhe sekuestruar rreth 155 mijë euro cash, 1 kg kokainë, 32.6 kg marijuanë, 50 pilula ekstazi, 640 gramë MDMA, 16 peshore 23 rende, 5 pistoleta dhe shtatë karikatorë pistolete, 2 armë ajrore me karikatorë, jelek antiplumb, karikator Kallashnikovi me 29 fishekë, rrip fishekësh, 17 thika, grusht hekuri, shufër metalike, 12 makina dhe 9 motoçikleta, një mori pako najloni, fishekzjarre dhe gjeneruesa tymi, anabolike, celularë dhe karta SIM, media të ndryshme të ruajtjes së të dhënave dixhitale, 3 orë dore me vlerë të lartë, laptop, 110 paund britanik, kapele policie dhe 13 bojë spray.
