Injeksionet revolucionare për humbje peshe, që përdoren nga miliona njerëz që përpiqen të humbin peshë dhe diabetikët, mund të rrisin rrezikun e kancerit të tiroides gjatë vitit të parë të përdorimit, sugjeron me shqetësim një hulumtim i ri.
Medikamentet, që përfshijnë Mounjaro, Ozempic dhe Wegovy, kanë çelur një epokë të re në luftën kundër obezitetit, duke ndihmuar ata që mbajnë dietë të humbasin deri në një të pestën e peshës së trupit të tyre.
Por mjekët amerikanë — të cilët ndoqën mbi 350,000 pacientë — tani kanë zbuluar se injeksionet krijojnë për përdoruesit një rrezik ‘dukshëm më të lartë’ për këtë sëmundje, krahasuar me tre medikamentet etjera të zakonshme ër diabetin. Megjithëse, thanë ekspertët, rreziku i përgjithshëm për zhvillimin e kancerit të tiroides përgjatë një periudhe prej gjashtë vitesh përdorimi të këtyre injeksioneve, mbetetende “i ulët”.
Shkencëtarët, të cilët i cilësuan këto gjetje si të rëndësishme, paralajmëruan se për t’i konfirmuar ato është e nevojshme të bëhen kërkime të mëtejshme.
Rreth gjysmë milioni britanikë mendohet se po përdorin medikamentin, i cili mund t’i ndihmojë të humbasin deri në 20 për qind të peshës trupore të tyre brenda vetëm disa muajsh.
Një hetim i gazetës Mail on Sunday javën e kaluar zbuloi se që nga nisja e injeksioneve si Wegovy, Mounjaro dhe Saxenda gati 400 britanikë ishin shtruar në spital — disa me komplikacione kërcënuese për jetën. .
Në vitin 2023, kërkime me minj dhe minj laboratorikë sugjeruan se semaglutidi — përbërësi i fuqishëm iWegovy dhe Ozempic — mund të rrisë rrezikun e një lloji të kancerit të tiroides: kanceri medular i tiroides (MTC). Vitin e kaluar, Agjencia Evropiane e Barnave (EMA) deklaroi gjithashtu se kërkimet tebrejtësit sugjeruan se hormonet artificiale të përfshira në tirzepatid — i shitur nën emrin tregtar Mounjaro — mund të rrisin gjithashtu rrezikun e kancerit medular të tiroides (MTC).
Meqenëse ky rrezik aktualisht është ende “i papërcaktuar”, studimet e monitorimit të pacientëve që marrin këtë medikamentpër të eksploruar këtë rrezik të mundshëm te njerëzit po vazhdojnë.
Në studimin më të fundit, studiuesit nga Universiteti i Maryland në Baltimore vlerësuan 351,913 pacientë me diabet të tipit 2, të cilët nuk kishin histori të kancerit të tiroides dhe ishin mesatarisht 65 vjeç.
Mbi 40,000 prej tyre iu nënshtruan injeksioneve —që bashkërisht njihen si agonistë të receptorit të glukagonit-peptid-1, ose GLP-1 agonistë.
Të tjerët morën tre medikamente të zakonshme për diabetin e tipit 2: inhibitorë DPP-4, inhibitorë të transportuesit të natriumit-glukozës 2 (SGLT2) dhe terapi me sulfonilure.
Gjatë një periudhe gjashtëvjeçare monitorimi, studiuesit zbuluan se rreziku për kancerin e tiroides ishte ‘dukshëm më i lartë’ brenda vitit të parë pas fillimit të GLP-1, krahasuar me tre medikamentet e tjera.
Megjithatë, në shkrimin në revistën “JAMA Ophthalmology”, ata shtuan se marrëdhënia nuk bëhej më e fortë kur studiuesit vlerësuan rrezikun e kancerit të tiroides gjatë periudhës gjashtëvjeçare të studimit.
“Kjo gjetje mund të rezultojë për shkak të përmirësimit tëzbulimit të hershëm, prandaj janë të nevojshme të kryhen kërkime të mëtejshme për të kuptuar shkaqet themelore të kësaj lidhjeje,” shkruan autorët.
Shkencëtarët pranuan gjithashtu se studimi kishte disa kufizime, duke përfshirë edhe pamundësinë për të dalluar midis MTC dhe llojeve të tjera të kancerit të tiroides.
Ata shtuan se kërkimet e ardhshme për të vlerësuar këtë janë “thelbësore” për të kuptuar arsyen pse këto injeksione janë shoqëruar veçanërisht me MTC.
“Këto gjetje theksojnë nevojën për kërkime të mëtejshme për të kuptuar plotësisht natyrën e kësaj lidhjeje,” thanë ata.
Deri në tetor të vitit të kaluar, numri i shtrimeve në spital gjatë gjashtë viteve nga momenti kur injeksionet për humbje peshe kanë filluar të jepen me recetë ishte 279.
Por të dhënat e reja të marra nga rregullatori i barnave, Agjencia për Rregullimin e Barnave dhe Produkteve të Kujdesit Shëndetësor (MHRA), treguan se rastet u rritën ndjeshëm gjatë katër javëve deri në fund të nëntorit, me 118 shtrime të tjera të regjistruara në spital.
Pjesa më e madhe e reagimeve ishin probleme gastrointestinale, si të përziera të vazhdueshme dhe diarre, që te disa pacientë shkaktuan ‘dehidratim të rëndë’.
Por disa mjekë paralajmëruan se po shihnin pacientë me ‘komplikacione serioze dhe kërcënuese për jetën’, duke përfshirë kriza epileptike, bllokim të zorrëve dhe inflamacion të pankreasit, i njohur si pankreatit. Wegovy dhe Ozempic e nxisin trupin të prodhojë hormonin GLP-1, i cili çlirohet natyralisht nëzorrë pas çdo të ngrëni. Ashtu si çdo medicament, injeksionet dihet se shkaktojnë efekte anësore që ndryshojnë si në frekuencë ashtu edhe në ashpërsi.
Probleme të tjera të raportuara përfshijnë kapsllëkun, lodhjen, dhimbjet e stomakut, dhimbjet e kokës dhe marramendjen.
Gjithashtu, nga disa pacientë janë raportuar simptoma të pazakonta, si rënia e flokëve.
Efektet anësore vdekjeprurëse që po ‘fshihen’ nga pacientët prej kompanive farmaceutike – ndërsa shkencëtarët zbulojnë një dëm tjetër të Ozempic
Mjekët kanë treguar prej kohësh se po trajtojnë një numër në rritje të grave të dobëta që përfundojnë në spital pasi gënjejnë farmacistët online se janë mbipeshë për të kaluar kontrollet e përshtatshmërisë.
Sipas udhëzimeve të NHS, vetëm pacientët që kanë indeksin emasës trupore (BMI) mbi 35 dhe të paktën një problem shëndetësor të lidhur me peshën, si tensioni i lartë i gjakut, ose ata që kanë BMI nga 30 deri në 34.9 dhe plotësojnë kriteret për t’u referuar për trajtim të specializuar të menaxhimit të peshës, duhet të marrin recetë për Wegovy.
Ligji në Mbretërinë e Bashkuar ndalon shitjen e medikamenteve të tilla pa recetë nga një profesionist mjekësor.
Në fillim të këtij muaji, MHRA zbuloi gjithashtu se në vitin 2024 kishte hequr 150 postime në rrjetet sociale që “aktivisht” shisnin medikamente të falsifikuara për humbje peshe.
Kjo ndodhi vetëm disa javë pasi Autoriteti i Standardeve të Reklamave (ASA) i paralajmëroi reklamuesit, bizneset dhe influencuesit për të hequr reklamat online dhe në rrjetet sociale për medikamentet për humbje peshe që mund të jepen vetëm me recetë, të cilat i drejtoheshin publikut.
Kjo u pasua nga një hetim i MailOnline, i cili zbuloi se influencuesit në rrjetet sociale po nxiteshin të promovonin ilegalisht dhënien e recetave për injeksione për humbje peshe tek mijëra ndjekësit e tyre.
Në figurë: Si veprojnë injeksionet e reja për humbjen e peshës
1. Injektim një herë në javë;
2. Zvogëlon urine duke imituar hormone në pancreas që i çojnë sinjale trurit se është i ngopur;
3. Si rrjedhim ushqimi largohet nga stomaku më ngadalë;
4. Njerëzit obezë humbasin 1/5 e peshës së tyre trupore gjatë 72 javëve të studimit.
