Demokrati i njohur Ilir Vrenozi ka bërë publik refuzimin e një ftese për kafe nga kryeministri Edi Rama. Në një video në rrjetet sociale, Vrenozi theksoi se nuk e pranoi ftesën pasi është i përkushtuar ndaj bindjeve të tij të djathta dhe nuk bën kompromise me parimet.
Ai zbuloi se Rama e kishte ftuar gjithashtu të merrte pjesë në podkastin e tij dhe se për këtë çështje kishte komunikuar edhe me ministrin Niko Peleshi. Vrenozi deklaroi se nuk e tundon asgjë materiale dhe premtoi se do ta pranonte një takim vetëm pas zgjedhjeve.
Kryeministri Rama iu përgjigj këtyre deklaratave përmes një videoje në Facebook, duke ironizuar situatën dhe duke ndarë detaje nga biseda me Vrenozin. Rama tha se Vrenozi ishte i emocionuar gjatë telefonatës dhe e kishte pranuar që “derën e kryeministrit nuk ia mbyll dot.” /korrieri
