Këshilli Bashkiak i Tiranës ka autorizuar Korporatën e Investimeve të nisë punën për hartimin e projketit në zonën e pallatit të sporteve “ Asllan Rusi’”, i cili do të financohet përmes skemës së partneritetit publik-privat.
Këshilli Bashkiak i Tiranës ka miratuar dhënien e autorizimit për Korporatën e Investimeve Shqiptare (KISH) për të nisur punën mbi projektin “Rijetëzimi i Pallatit të Lojrave me Dorë ‘Asllan Rusi’”, një objekt historik i sportit shqiptar që daton nga viti 1963.
Në mbledhjen e mbajtur më 3 prill, Kryetarja e komanduar e Bashkisë Tiranë, Anuela Ristani, theksoi se projekti ndodhet ende në fazën fillestare dhe se përfundimi i tij do të sjellë përfitime afatgjata për komunitetin sportiv dhe qytetarët e kryeqytetit.
Sipas Korporatës së Investimeve projekti do të financohet përmes skemës së partneritetit publik-privat (PPP), një model që është kritikuar shpesh nga projekte të FMN-së dhe ekspertë të pavarur për mungesë transparence dhe rrezik për përfshirje klienteliste.
Këto shqetësime u artikuluan edhe nga anëtarët opozitarë të Këshillit Bashkiak, të cilët aluduan se projekti mund të përdoret për ndërtime që nuk kanë lidhje me funksionin sportiv të pallatit, duke e krahasuar me transformimin e stadiumit “Qemal Stafa” në një qendër biznesi me kullë. Ndërkohë, Kryetarja e komanduar e Bashkisë Tiranë, Anuela Ristani, deklaroi se destinacioni sportiv nuk do të preket dhe se çdo vendim final do të kalojë nëpërmjet votimit të Këshillit Bashkiak.
“Asllan Rusi”një shesh i lirë ndërtimi
Kryetari i Bashkisë Tiranë, Erion Veliaj, me të ardhur në “pushtet” ka pasur ide të qarta për transformimin e pallatit të Sportit “Asllan Rusi”.
Disa herë ai ka deklaruar se Bashkia ka plane për ta rindërtuar atë në ngjashmëri me “Air Albania”.
“Ne duam të vazhdojmë me disa investime të tjera bashkë me qeverinë dhe prandaj është e rëndësishme që të punojmë me qeverinë. Ne duam të bëjmë të njëjtën gjë tek stadiumi “Selman Stërmasi” siç kemi bërë tek “Arena Kombëtare”. Investimi tjetër do të jetë Pallati i ri i Sportit “Asllan Rusi”, – deklaroi kryebashkiaku.
Ndërsa Veliaj ndodhej në qelinë e burgut, për shkak të akuzave për korrupsion të ngritura nga Prokuroria e Pasaçme, këshilli Bashkiak miratoi një vendim që i kalonte Korporatës të Investimeve Shqiptare (KISH) të gjitha të drejtat për për hartimin e një projekti që e pagëzuan “Rijetëzimi i Pallatit të Lojrave me Dorë “Asllan Rusi”, Korporatës të Investimeve Shqiptare (KISH).
Në mbledhjen e Këshillit Bashkiak të Tiranës më 3 Prill 2025, Kryetarja e Komanduar e Bashkisë Tiranë, Anuela Ristani, deklaroi se projekti për Rijetëzimin e Pallatit të Sportit “Asllan Rusi”, është në fazën fillestare dhe se Bashkia synon të sjellë përfitime afat-gjata jo vetëm për komitetin sportiv por për të gjithë qytetin.
Korporata e Investimeve Shqiptare(KSHI), i tha “shteg.org” se projekti ka për qëllim të modernizojë standartet e Pallatit të Sportit duke patur parasysh që kushtet aktuale kanë nevojë për ndërhyrje.
Korporata deklaron se po zhvillon konsultime me aktorët institucionalë për të siguruar një projekt që i përgjigjet nevojave të sportit dhe komunitetit. Megjithatë, fakti që projekti nuk është përfshirë ende në raportin zyrtar të buxhetit për vitin 2025 dhe që kostot do të mbulohen nga partnerë privatë, shton më tej paqartësitë mbi mënyrën e zhvillimit të këtij investimi strategjik.
Nga ana tjetër gjatë mbledhjes së Këshillit Bashkiak të Tiranës, anëtarët opozitarë të Këshillit Bashkiak kanë aluduar që do të ketë ndryshim destinacioni të projektit që do hartohet, duke dyshuar ndërtimin e kullave.
Dorjan Teliti, Antar i Këshillit Bashkiak të Partisë Demokratike, tha për “shteg.org” se anëtarët e Këshillit Bashkiak të Partisë Socialiste i kishin të sigurara votat që duheshin për të miratuar hartimin e projektit nga KISH dhe se pasi të hartohet projekti do të kuptohet qartë se sa ndërtime që s’kanë lidhje me Pallatin e Sporteve, do të zhvillohen.
