Po vijon pa problematika, procesi i rinumërimit të votave për qarkun e Tiranës. Deri më tani janë vlerësuar 13 kuti votimi.
Rezultatet për këto të fundit, janë pasqyruar zyrtarisht nga ana e Komisionit Qendror të Zgjedhjeve.
Partisë Demokratike i janë shtuar vetëm katër vota, Koalicionit Euroatlantik të Lulzim Bashës janë shtuar tre vota. Ndërkohë Partisë Socialiste i janë hequr 17 vota. Partisë Mundësia ka një votë plus, edhe PSD-së i është shtuar një votë.
Për qarkun më të madh në vend, do të rihapen në total 1282 kuti votimi, për subjektet politike dhe kandidatët.
Ndërkohë, Kolegji Zgjedhor ka rrëzuar sotankimimin e Partisë Demokratike për Lezhën dhe Gjirokastrën
Procesi në kryeqytet pritet të zgjasë rreth 10 ditë.
Pas përfundimit të kësaj faze, do të fillojë rinumërimi në qarkun e Fierit me 587 kuti, e më pas në Durrës, ku do të shqyrtohen 360 kuti votimi, përfshirë 85 kuti që vijnë nga diaspora.
Në këtë proces janë angazhuar 24 grupe pune me një total prej 63 punonjësish të administratës zgjedhore, ku përfshihen 48 numërues dhe 15 zëvendësues.
Kostoja e përgjithshme e rinumërimit është vlerësuar në 21 milionë lekë të rinj, fond që do të mbulohet nga kursimet e mbetura nga procesi i zhvilluar më 11 maj, pa pasur nevojë për fonde shtesë.
