Janë zbardhur detaje tronditëse nga vrasja makabre e 56-vjeçarit Anesti Rama, i cili dyshohet se u mbyt me tel nga vajza e tij, 26-vjeçarja Ermalinda Rama, në bashkëpunim me të dashurin e saj, 55-vjeçarin Çlirim Dogani. Ngjarja e rëndë ndodhi në banesën e familjes në fshatin Frashër të Fierit.
Sipas burimeve të policisë, Ermalinda Rama kishte krijuar një lidhje intime me Çlirim Doganin dhe së bashku kanë planifikuar dhe kryer krimin. Fillimisht, dyshohet se e reja ka goditur të atin në organet gjenitale, duke e neutralizuar, ndërsa më pas Dogani e ka mbajtur të shoqëruar nga duart dhe vajza e ka mbytur me tel.
Policia thotë se janë përdorur edhe sende të forta dhe mjete prerëse gjatë aktit kriminal. Në momentin e krimit në banesë ka qenë dhe Valbona Rama, bashkëshortja e viktimës, e cila akuzohet se ka ndihmuar në pastrimin e gjurmëve, duke larë trupin e pajetë nga gjaku.
Zbërthimi i komunikimeve telefonike pas ngjarjes ka qenë vendimtar për hetimin, pasi është konstatuar se Ermalinda ka kontaktuar me të dashurin e saj menjëherë pas vrasjes.
Të tre personat – vajza, partneri dhe nëna – janë tashmë të arrestuar dhe ndodhen në qelitë e policisë së Fierit. Autoritetet vijojnë hetimet për të zbuluar motivet e plota të këtij akti tronditës që ka shokuar opinionin publik.
