Plani i Izraelit për të marrë kontrollin e Gazës sjell më shumë mjerim për palestinezët dhe rrezik të madh për Netanyahun 

Vendimi i qeverisë izraelite për të marrë kontrollin e qytetit të Gazës është pritur me dëshpërim në territorin palestinez, teksa kryeqyteti i Gazës po përballet me një numërim mbrapsht drejt shkatërrimit të plotë.

Nëse Hamasi nuk dorëzohet në javët e ardhshme – dhe aktualisht ka pak shenja që kjo të ndodhë – ushtria izraelite pritet të nisë një fazë të re, edhe më shkatërruese, të luftës. Për rreth një milion civilë që ende jetojnë në qytet, perspektiva është e zymtë. Shumë prej tyre, të zhvendosur në muajt e parë të luftës, u rikthyen në janar 2025 pas një armëpushimi që ringjalli shpresat për paqe, por gjetën shtëpitë e tyre të rrënuara dhe lagjet e shkatërruara.

Pas prishjes së armëpushimit në mars dhe ndërprerjes së ndihmave, kriza humanitare u përkeqësua në mënyrë dramatike. Tani, Izraeli planifikon të zhvendosë sërish të gjithë popullsinë e qytetit drejt jugut brenda dy muajve. Por qytetet si Khan Younis dhe Rafah – që dikur shërbenin si strehë – janë tashmë pothuajse të rrafshuara, duke lënë të paqartë se ku mund të vendosen të zhvendosurit.

Situata pritet të ndjekë skenarin e Rafahut, i cili në maj 2024 u boshatis pas urdhrave të Izraelit dhe më pas u shkatërrua plotësisht, pavarësisht paralajmërimeve të presidentit amerikan Joe Biden.

Nëse nuk arrihet një zgjidhje diplomatike deri në fillim të tetorit, Gaza City rrezikon të ketë të njëjtin fat. Kjo do të vendoste në rrezik edhe kampet qendrore Nuseirat, Bureij dhe Deir-el-Balah.

Kryeministri Benjamin Netanyahu synon një “fitore totale” ndaj Hamasit, pavarësisht kostos njerëzore dhe izolimit gjithnjë e më të madh diplomatik të Izraelit. Edhe pse shumica e izraelitëve e kundërshtojnë operacionin për shkak të fatit të pengjeve të mbetura, Netanyahu duket i vendosur të marrë rreziqe, duke u mbështetur në statusin e Izraelit si fuqi rajonale pas përplasjeve me Hezbollahun, Sirinë dhe Iranin.

SHIKO EDHE:

Policia suedeze: 10 të vdekur nga sulmi me armë në shkollë, ende nuk dihet motivi Pas përplasjes me Zelenskin, Trump pezullon të gjitha ndihmat ushtarake për Ukrainën  SKENARËT: Çfarë ndodh nëse Trump vendos të sulmojë Iranin apo të vrasë Ayatollahun?  “Arritëm objektivin për eliminimin e kërcënimit bërthamor”, Izraeli konfirmon armëpushimin me Iranin  DEBATI/ Bracë kërkon votën me penis, Braho thotë se do ta marrin parasysh në KAS nëse.. Rriti qiranë e pronës së saj me 700 paund, ministrja britanike për të pastrehët jep dorëheqjen pas akuzave për abuzim!