Gjykata Kushtetuese ka marrë këtë të hënë vendimin në favor të Erion Veliajt, duke rrëzuar vendimin e qeverisë për shkarkimin e Veliajt nga detyra.
Mësohet se vendimmarrja në trupën e gjyqtarëve ka qenë 5-3 në favor të rrëzimit të vendimit të Qeverisë që shkarkonte kryebashkiakun e Tiranës, pas propozimit që i kishte bërë Këshilli Bashkiak i Tiranës.
Me këtë vendim, anulohet gjithashtu edhe dekreti i Presidentit Bajram Begaj për caktimin e datës së zgjedhjeve në Tiranë.
Në ankimimin e bërë prej tij, Veliaj pretendoi se mungesa prej tre muajsh në punë, është e justifikuar dhe nuk përbën arsye për ta shkarkuar nga detyra.
Vendimi i Këshillit Bashkiak i shkoi Qeverisë, që me vendim të Këshillit të Ministrave shkarkoi Veliajn dhe vuri në dijeni presidentin Bajram Begaj. Ky i fundit dekretoi datën 9 nëntor për mbajtjen e zgjedhjeve në Bashkinë e Tiranës.
