Elisa Spiropali është penduar dhe ka vendosur ta bëjë publike një ditë më vonë takimin e dorëzimit të detyrës. Spiropali duket se e ka lënë anash indinjatën dhe i ka bërë repost statusit të ministrit të ri të Jashtëm, Ferit Hoxha, i cili pasditen e djeshme ka publikuar një foto me ish-ministren nga takimi i kalimit të stafetës dhe e ka falënderuar publikisht.
Ndonëse me një ditë vonesë, Spiropali e uron ministrin e ri për suksese në detyrën e lartë dhe shprehet e sigurt se me profesionalizmin e tij do të forcojë marrëdhëniet me aleatët e Shqipërisë.
Megjithatë duket se deputetja e PS këtë veprim e ka bërë sa për të mbuluar zhgënjimin, i cili u pikas nga mediat, pasi është kursyer vetëm me repost-in në rrjetin social X dhe nuk e ka publikuar takimin në të gjitha rrjetet sociale, siç ndodh zakonisht.
Megjithatë, në të tilla raste thuhet më mirë vonë sesa kurrë. Urojmë që ish-ministrja ta kuptojë që jeta ka ulje-ngritjet e saj dhe jo çdo post është i përjetshëm në republikën e Skënderbeut të saj, ku karriera ndërtohet sipas parimit se kush serviloset më mirë para shefit.
