Një aksident i rëndë ka ndodhur në Berat. Rreth orës 18:30, në aksin rrugor dytësor Berat-Roshnik, në fshatin Duhanas, shtetasi S.R., 40 vjeç, banues në këtë fshat, duke drejtuar një motomjet dyshohet se ka humbur kontrollin mbi drejtimin e tij.
Si pasojë, motomjeti ka dalë nga rruga dhe ka rënë në kanalin kullues në anë të saj. Nga përplasja, 40-vjeçari ka pësuar dëmtime të rënda dhe për pasojë ka ndërruar jetë.
Grupi hetimor ndodhet në vendngjarje dhe po punon për zbardhjen dhe sqarimin e plotë të rrethanave të këtij aksidenti.
