Një aksident rrugor me pasojë vdekjen enjë 21-vjeçar është regjistruar pasditen e djeshme në Cërrik.
Sipas Policisë, i riu, dyshohet se ka humbur kontrollin mbi motorin dhe më pas është përplasur me një shtyllë.
Përplasja ka qenë fatale për të riun, i cili ka ndërruar jetë në vendngjarje. Në motor ndodhej edhe një pasagjer tjetër, një i mitur.
Ai është transportuar në spital për të marrë ndihmë mjekësore dhe, sipas informacionit paraprak, ndodhet jashtë rrezikut për jetën.
Njoftimi i Policisë:
Në lagjen nr. 3, shtetasi O. M., 21 vjeç, duke drejtuar motomjetin, dyshohet se ka humbur kontrollin mbi drejtimin e tij dhe motomjeti është përplasur me një shtyllë.
Si pasojë e përplasjes, shtetasi O. M. ka humbur jetën në vendngjarje.
Ndërsa pasagjeri, shtetasi D. C., 17 vjeç, është transportuar në spital për ndihmë mjekësore dhe ndodhet jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të rrethanave dhe shkakut të aksidentit.
