Një 70-vjeçar, i cili jetonte i vetëm ka humbur jetën në fshatin Fermë-Çlirim të Fierit, pasi banesa e tij është përfshirë nga flakët.
Sipas policisë, i moshuari, i cili ishte i paralizuar, jetonte i vetëm në banesë.
Dyshohet se zjarri është shkaktuar nga një shkëndijë elektrike, ndërsa flakët kapluan çatinë e banesës, e cila më pas ka rënë mbi të moshuarin.
Njoftimi i Policisë:
Rreth orës 19:00, në fshatin Fermë Çlirim, në banesën e shtetasit F. B., rreth 70 vjeç, i cili jetonte vetëm, ka rënë zjarr.
Si pasojë e zjarrit, shtetasi F. B., në pamundësi për të lëvizur (i paralizuar), ka humbur jetën.
Grupi hetimor ndodhet në vendngjarje dhe, nën drejtimin e Prokurorisë, po kryen veprimet hetimore për dokumentimin e plotë të ngjarjes, si dhe për përcaktimin e shkakut të rënies së zjarrit.
