Aksident i rëndë nga përplasja e dy mjeteve, me bilanc humbjen e jetës së një çifti bashkëshortësh.
Ngjarja ka ndodhur rreth orës 05:30 të mëngjkesit të sotëm (14 Nëntor), në aksin rrugor Tepelenë-Fier.
Policia vendore bëri me dije paraprakisht se shtetasi S. A., duke drejtuar automjetin tip autobot, ka përplasur automjetin tip “Ford”, me drejtues shtetasin V. A..
Nga përplasja kanë humbur jetën në vendngjarje drejtuesi i automjetit tip “Ford”, shtetasi V. A., dhe pasagjerja që ndodhej në këtë automjet, shtetasja M. A., (bashkëshortja e shtetasit V. A.).
“Drejtuesi tjetër i automjetit tip autobot, shtetasi S. A., dhe pasagjerja që ndodhej në këtë automjet, shtetasja A. A., ndodhen në spital për ndihmë mjeksore, jashtë rrezikut për jetën”, tha policia.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit
