Një aksident i rëndë ka ndodhur orët e para të mëngjesit të së hënës në autostradën Durrës-Tiranë, në afërsi të Sukthit.
Sipas policisë, një 20-vjeçar ka humbur jetën pasi ka dalë nga rruga duke humbur kontrollin e mjetit. Përplasja rezultoi fatale për të riun i cili humbi jetën në vendin e aksidentit.
“Në orët e para të mëngjesit, në autostradën “Durrës-Tiranë”, në Sukth, shtetasi S. K., 20 vjeç, duke drejtuar automjetin, ka humbur kontrollin dhe si pasojë automjeti ka dalë nga rruga. Për shkak të dëmtimeve, 20-vjeçari ka humbur jetën në vendin e aksidentit”, njofton policia.
Grupi hetimor po punon për sqarimin e rrethanave të aksidentit.
