Kryeministri Edi Rama në nisje të sezonit të dytë me emisionet në podcasts, ka startuar intervistat e tij me trajnerin e kombëtares shqiptare të futbollit, Sylvio Mendes Campos Júnior dhe ekipin e tij.
Sylvinho rrëfeu emocionet e tij jo vetëm për marrjen e detyrës por edhe suksesin e kuqezinjve në fazën kualifikuese të Euro 2024 ku foli për pritshmëritë e tij dhe për përbërjen e kombëtares.
“Të gjitha sa u thanë janë të drejta. Jemi të vetëdijshëm që po ecim mirë dhe kur bëhet fjalë për këtë, sigurisht që protagonistët janë lojtarët.
Të gjithë kemi kaluar nëpër rrugën tonë si lojtarë dhe aty produkti është i mirë. Janë lojtarë shumë të fortë, janë të mirë, menaxhimi është i mirë. Kemi tri finale.
Prandaj është i bukur futbolli, për të gjitha këto. Një grup i vështirë, i ekuilibruar, megjithatë, e kemi arritur pjesën e parë të objektivit një kuptim.
Fitorja na çon drejt një ndeshjeje më shumë në tetor dhe me një rezultat të mirë arrijmë në nëntor, në kushtet për t’u kualifikuar, çka varet vetëm nga ne.
Kjo është pjesa e parë. Pas nëntorit, pastaj, të shohim, por pjesë e objektivit, deri më tani, ishte kjo,” tha Sylvinho.
