Plot 1500 oficerë të Policisë së Shtetit do të angazhohen për mirëmbajtjen e rendit gjatë ndeshjes midis Shqipërisë dhe Serbisë.
Të shtunën e 7 qershorit, shumë akse kryesore të Tiranës pritet të bllokohen, ndërsa perimetër sigurie do të vendoset si në hotelin ku do të qëndrojnë futbollistët serbë edhe përreth stadiumit “Air Albania”.
Përveç efektivëve të Policisë së Shtetit, do të angazhohen edhe ekipe të anti-terrorit si dhe forcat speciale RENEA.
Interesi i tifozëve nga mbarë trojet shqiptare duket të jetë tepër i lartë për ndeshjen e vlefshme për Kupën e Botës. Uragani kuq e zi pritet të vërshojë si brenda dhe jashtë stadiumit, në mbështetje të kombëtares shqiptare.
