Ministria e Mbrojtjes ka paralajmëruar se dita e nesërme, 26 korrik, do të jetë më e rrezikshmja për sa i përket situatës së zjarreve në të gjithë vendin.
Sipas të dhënave të siguruara nga Agjencia Kombëtare e Mbrojtjes Civile, Instituti i Gjeoshkencave (IGJEUM) dhe Qendra e Koordinimit të Emergjencave Civile të Bashkimit Europian (ERCC), të gjitha qarqet e Shqipërisë do të jenë në rrezik maksimal për përhapjen e flakëve.
Ministri i Mbrojtjes, Pirro Vengu, ka bërë thirrje për kujdes të shtuar nga ana e qytetarëve, duke theksuar domosdoshmërinë për të ndaluar ndezjen e çdo lloj zjarri në hapësira publike apo të hapura. Ai ka kërkuar bashkëpunim të ngushtë me institucionet dhe raportim të menjëhershëm për çdo rast të dyshimtë.
Në të njëjtën linjë, Komiteti i Mbrojtjes Civile i ka kërkuar të gjitha institucioneve shtetërore dhe lokale të rrisin gatishmërinë dhe të forcojnë bashkëpunimin ndërinstitucional për përballimin e situatave të mundshme të emergjencës. Qytetarët janë ftuar të respektojnë me rigorozitet udhëzimet dhe të shmangin çdo veprim që mund të rrezikojë përhapjen e zjarreve, në një periudhë me temperatura ekstreme dhe erëra të favorshme për përhapjen e flakëve.
Ministria ka shpërndarë gjithashtu hartat e rrezikut për çdo qark, të cilat tregojnë përhapjen e nivelit të alarmit në të gjithë territorin. Autoritetet mbeten në gatishmëri të plotë për të ndërhyrë në rast të emergjencave.
SHIKO EDHE:
Palët nuk donin zhurmë, pse i “fali” Artur Koçeku ata që e lanë pa ndjenja te Bar Sin në Palasë , çfarë fshihet në prapaskenë, mediat: Erinda Lutaj , pronare e biznesit ku ndodhi sherri
SKANDALI/ Punonjesja e OTP Bank vodhi 20 000 euro dhe u zbulua rastësisht pas disa muajsh , siguria në pikëpyetje të banka e hungarezëve
Mimoza Kaçi e AMF firmos vjedhjen e shqiptarëve me siguracionin e makinave , SKEMA zhvatëse që i shërben vetëm kompanive të sigurimit
Doktor Ilir Alihemehmeti, më fal që s’të votoj dot në 11 maj!
Deputetët e rinj e premtja i gjen në shkollë, do të marrin mësim nga Rama, Spiropali, Braçë…
Pas SPAK-ut dhe Gardës, firma “AlbaScan” fiton tender edhe nga Gjykata e Posaçme
