Presidenti rus Vladimir Putin pranoi të lejojë garanci sigurie nga SHBA-ja për Ukrainën dhe bëri lëshime për “shkëmbimet e territoreve” si pjesë e një marrëveshjeje të mundshme paqeje gjatë samitit të tij me Presidentin e SHBA-së Donald Trump, tha për CNN i dërguari i lartë Steve Witkoff.
Putini ra dakord të lejojë “garanci të forta sigurie” për Ukrainën nga SHBA-të dhe një “rregullim legjislativ” nga Rusia që të mos hyjë në asnjë territor tjetër në Ukrainë apo diku tjetër në Evropë si pjesë e një marrëveshjeje përfundimtare paqeje, tha Witkoff.
Sipas të dërguarit, SHBA-të dhe vendet e tjera evropiane mund t’i ofrojnë Ukrainës diçka të ngjashme me marrëveshjen e “Nenit 5” të NATO-s. Anëtarësimi i Ukrainës në NATO ka qenë një vijë e kuqe për Rusinë.
Putini bëri gjithashtu lëshime në kërkesën e tij për “shkëmbime tokash” ukrainase gjatë takimit të tij me Trumpin, sipas Witkoff. Konkretisht Putini i ka kërkuar Ukrainës të tërhiqet nga Donbasi, i cili përbëhet nga Donetsku dhe Luhansku, në një masë më të madhe.
Donbasi është kryesisht rusishtfolës, dhe pasi Rusia pushtoi Krimenë në vitin 2014, forcat e saj të ndërmjetme fituan një pikëmbështetje atje në një luftë që nuk mori fund kurrë. Pak para se të niste pushtimin e tij në vitin 2022, Putini njohu të gjithë Luhanskun dhe Donetskun si të pavarur nga Ukraina, jo vetëm shtetet e vogla të krijuara nga përfaqësuesit e mbështetur nga Moska.
Komentet e Witkoff vijnë një ditë para se Presidenti ukrainas Volodymyr Zelensky të takohet me Trump në Shtëpinë e Bardhë. Ai do të shoqërohet nga një mori udhëheqësish evropianë, të cilët po shqyrtojnë gjithashtu garancitë e sigurisë për Ukrainën.
SHIKO EDHE:
Situata e përmbytjeve në Europë, ngrihet alarmi edhe në Itali, vendi pritet të goditet nga stuhia “Boris”
Al-Jolani, si u kthye terroristi i Al Kaedas në luftëtar të lirisë, dikur SHBA ofronte 10 mln USD për kokën e tij, çfarë ndryshoi
Përplasja e avionit të pasagjerëve me helikopterin e ushtrisë në Washington, të gjithë personat në bordin e “American Airlines” kanë ndërruar jetë!
Pas telefonatës me Ramën -Trump ndërron mendje për Zelenskin
Tërmet i fuqishëm me magnitudë 7.7 godet Mianmarin
Plani i Izraelit për të marrë kontrollin e Gazës sjell më shumë mjerim për palestinezët dhe rrezik të madh për Netanyahun
