Pas dorëheqjes së Tom Doshit dhe Sabina Jorgos nga mandati i fituar për Partinë Social Demokrate në qarkun e Shkodrës, edhe një pjesë e kandidatëve në listën shumëemërore kanë dhënë dorëheqjen.
Mësohet se dy deputetët e rinj të kësaj force politike për qarkun e Shkodrës do të jenë Besnik Brahimi dhe Shkurt Lasku. Brahimi dhe Lasku kanë qenë dy prej kandidatëve më të votuar në zgjedhjet e 11 Majit, dhe gjendeshin në listën e hapur të PSD-së.
Besnik Brahimi ka qenë ish-kryetari i Komunës së Bërdicës, ndërsa më vonë ka mbajtur dhe postin e hetimit tatimor në Shkodër. Ndërkohë që Shkurt Lasku, është biznesmen, dhe përfaqëson Pukën në Kuvendin e Shqipërisë.
Ishte vetë kreu i PSD-së Tom Doshi ai që njoftoi se mandatet do të merreshin nga kandidatët që kishin marrë më shumë vota në listën e hapur, në zgjedhjet e Majit. Në Tiranë mandati i PSD-së u fitua nga Tedi Mula.
