Një aksident është regjistruar mbrëmjen e sotme rreth orës 21:20, në vendin e quajtur “Kthesa e Patosit”, në Fier.
Mësohet se automjeti tip “Benz” me drejtues një 20-vjeçar me inicialet G. G., banues në Belinë, Patos, është përplasur me automjetin tip “Ford” me drejtuesin me inicialet T. Rr., banues në Patos.
Si pasojë e përplasjes janë dëmtuar dy drejtuesit e mjeteve dhe tre pasagjerët në mjetin tip “Ford”, të cilët ndodhen në spital nën kujdesin e mjekëve.
Grupi hetimor po punon për zbardhjen e plotë të shkaqeve të aksidentit.
