Aktorja 35-vjeçare, e njohur për rolin e Isil në serialin e njohur turk “Kizilcik Serbeti”, humbi jetën disa javë më parë.
Fillimisht u raportua se kishte pësuar një atak kardiak, ndërsa më pas mediat turke ngritën dyshime se vdekja mund të kishte lidhje me një kafshim majmuni gjatë një udhëtimi në Tajlandë.
Megjithatë, Instituti i Mjekësisë Ligjore në Turqi ka konfirmuar se shkaku i vdekjes ishte helmimi nga alkooli etilik. Sipas raportit të autopsisë, në gjakun e aktores u konstatuan rreth 395 mg/dl alkool, një nivel tepër i lartë që rezultoi fatal.
Nëna e Ece Irtem kishte deklaruar se një natë para ngjarjes tragjike, aktorja kishte marrë pjesë në një festë ditëlindjeje, ku kishte konsumuar një sasi të madhe alkooli. Sipas saj, 35-vjeçarja ishte gjithashtu në trajtim me medikamente të forta kundër depresionit.
